Bukatu dira Berako antzinako Zentraleko presa eta Endarlatsako presa eraisteko lanak. Biak ere LIFE IREKIBAI proiektuaren baitan eraitsi dira 2016ko irailean eta urrian.
Bidasoa Ibaia erraten zaion naturgunea Kontserbazio Bereziko Eremuan daude Endarlatsa eta Berako Presak, bere natur balioei esker; balioen artean arrain komunitatea eta habitat naturalak dira nabarmentzekoak, Nafarroako dibertsitate biologikoaren flora eta faunaren adierazgarri.
Ibaietan presak eta presa txikiak izatea populazioen murrizketa eragin duen arrazoi nagusietako bat, baina ez bakarra; horrek bereziki espezie salmonidoei eta migratzaileei eragin die ibaietan. Horren haritik, Presa hauek kolaka, itsas lanproia eta izokin populazioetan dute eragina, baina era berean, aingiran, amuarrainean eta gainerako arrain espezieetan.
Endarlatsako presa Bidasoaren lehen oztopoa da ibaia itsasoratzen denetik, eta ekintza hori eginda, Bidasoaren azken 12 km-etan ez da zeharkako oztoporik izanen. Halaber, presak bildutako ur eremua ezabatuko litzateke; eremu horrek 2.000 m baino gehiago ditu. Berako Zentraleko presa, Bidasoaren ardatzean itsasotik migratzen duten arrain-espezieak dauden hirugarren presa da Bidasoaren ardatz nagusian. Berako Zentraleko presa txikiak ur geldia sortu du 1.500 metroan, eta horrek ibilguaren ezaugarriak aldatu ditu; hau da, Horrela, desagertu dira urlasterrak, osinak eta taulak, guztiak ere egokiak KBEko fauna espezie gehienentzat.
Oztopo hauek, gainera, eragozpena dira Bidasoa ibaiaren “egoera ekologiko ona” lortzeko, presak ibilguaren egitura eta substratua aldatzen dituztelako, eta ibai konektibitatea okerragotu. Halaber, ibaiertzak eta prozesu naturalak oso nabarmen aldatzen dituzte, hala nola sedimentuen zirkulazioa eta mantenugaiak harrapatzea. Ibaien berezko dinamika eragozten duten bi oztopoetan lanak eginez, ibaietako habitat eta espezie jakin batzuen kontserbazio egoera eta Bidasoako ur masak hobetu nahi dugu.
Azpimarratu nahi ditugu Berako eta Endarlatsako presak eraisteari buruzko bi bideoak, bai eta lan horiei dagozkien txostenak ere