Aisiari, turismoari eta ingurumenari buruz Allozko urtegian (Nafarroa) eginiko jardunaldian, Ibaiak Lehengoratzeko eta Arrain Ustiaketa Kudeatzeko Ataleko Jokin Larumbek Ibai Zaintzaren inguruan Nafarroan izaniko esperientziak azaldu zituen, eta Nafarroako Ingurumen Kudeaketako (GAN-NIK) LIFE IREKIBAI proiektuko Ana Varelak, berriz, LIFE IREKIBAI proiektua bera. Gainera, Jardunaldiaren ingurumen atalean, bestelako gaiak aztertu ziren, hala nola espezie inbaditzaileen arazoa Nafarroan, eta Nafarroako Explora Sarea aurkeztu zen.
“Aisia, Turismoa eta Ingurumena Allozko Urtegian” ekitaldia joan den ekainaren 22an egin zen, Deierriko Udalak eta Irantzuko Lurrak elkarteak antolaturik, eta Nafarroako Gobernuak diruz lagundurik. Bestalde, Ebroko Konfederazio Hidrografikoa, Turismo Departamentua, Ingurumen Departamentua eta Lursarea laguntzaile izan ziren. Ekitaldian, denetarik izan zen: turismo jarduerak, uretako kirol eskaintza, ingurumena, eta urtegiek turismoa erakartzeko duten gaitasun handia gelditu zen agerian; horien artean, Allozko urtegiak, hain zuzen ere.