Leitzaran ibaian oztopoak kentzeko lanek jarraitu egiten dute, LIFE IREKIBAI proiektuaren baitan. Kasu honetan, Ollokiko presari egokitu zaio, arrainek gainditu ezin duten 7 metroko altura duena.

Presa hau gaur egun erabiltzen ez den energia elektrikoa sortzeko sistema baten parte zen. Bere neurriak direla eta, errekako prozesu asko aldatu egiten ditu, besteak beste, sedimentuen garraioa edo konektagarritasun ekologikoa. Hori dela eta, konponbiderik onena berau ezabatzea da.

Hala ere, eraispena partziala izan da. Horrela, Leitzaran ibaiaren iragan industrialaren aztarna bat utziko da errekan, esku-hartzearen ingurumen helburuak kaltetu gabe.

Lehen lanetan, muxarradura bat egin da presan. Horrez gain, harri malda bat eraiki da ondoan dagoen zentral hidroelektrikoa (Santolaz) babeste aldera. Geroxeago, 2019an, presaren eraiste partziala amaitu egingo da.

Lan hauek gehitu egiten zaizkie Ubaran errekan, Truchas Erreka, Olaberri eta Inturian egindakoei. Olloki, hortaz, Leitzaran ibai-sarean kenduko den zortzigarren oztopoa izango da, proiektuaren barruko iragazkortze lanen harira. Helburu handinahi bat lortzeko beharrezkoa den azken pausoa da: EAEko Leitzaran ibaiko sare nagusia gainditu ezineko oztoporik gabe uztea.