LIFE IREKIBAI proiektua Ur partekatuak kudeatzeko Gutuna sinatu zuten entitateen urteko hirugarren saioan aurkeztu zen, joan den apirilaren 27an, Iruñean. Nafarroako Gobernuak Gipuzkoako Foru Aldundiak, Euskal Hirigune Elkargoak, Uraren Euskal Agentziak, Errobi Ibarraren Sindikatuak, Pirinio Atlantikoetako Departamentuak eta Aturri-Garona Ur Agentziak beren konpromisoa berretsi zuten partekatzen dituzten mugaz gaindiko arroak elkarrekin kudeatzeko: Bidasoa, Urumea, Oria, Errobi eta Urdazuri ibaiak. Bilera Poctefa H20gurea proiektuaren baitan egin zen, ibaiak koordinaziopean kudeatzea xede duena.
Gutuna sinatu duten entitate batzuk LIFE IREKIBAI proiektuko bazkideak dira; zehazki, EAEkoak (Gipuzkoako Foru Aldundia, URA eta HAZI Fundazioa) eta Foru Komunitatekoak (Nafarroako Gobernua, GAN-NIK enpresa publikoaren bidez). Batzuek eta besteek beren gaitasunak eta eskumenak batu dituzte Natura 2000 naturguneetan Batasunaren interesa duten habitat eta espezieen kontserbazio-egoera bermatze aldera, betiere Bidasoa eta Leitzaran ibaietako arroetan. Beraz, gauza garrantzitsua izan da Ur partekatuak kudeatzeko Gutuna ekimenaren bileran aurkeztea zer-nola garatzen ari diren denok elkarrekin gauzatzen ari garen proiektuak. Hortaz, LIFE IREKIBAI proiektua aurkeztu zen; hain zuzen, ekintzen egungo egoera eta garapena azaldu ziren, eta zer emaitza espero diren. Aurkezpena Nafarroako Ingurumen Kudeaketak egin zuen (GAN-NIK).
Hemen LIFE IREKIBAI proiektuaren aurkezpena jaitsi daiteke.
