Izokinak Leitzaran ibaian gora egiten ari direla baieztatu da

Izokinak (Salmo salar) hainbat urte daramatza Oriara itzultzen, baita espeziearentzat potentzial handia duten ibai adarretara ere, Leitzaran ibaira kasu. Albiste bikaina da, hainbat erakundek urtetan egindako lanaren emaitza, horien artean nabarmentzen direlarik Euskadiko LIFE Irekibai proiektuko bazkideak: GFA, URA eta HAZI.

Ibai horiek ugalketa guneetan daude, baina arazoak zeuden Oriako uren kalitatearekin eta oztopo ugari zeudelako (presak), eta, ondorioz, orain arte ezinezkoa zen izokinak bere kasa zikloa osatzea. Egoera hori iraultzeko estrategiak bi ildo jarraitu ditu: espezieari zikloa betetzen laguntzea eta aipatu ibaietako inpaktu nagusiak kentzea.

GFA funtsezko eragilea izan da bi ildo horietan. 1997tik izkinak harrapatzen ari da Orbeldin, Oria ibaiaren ahotik gertu, gero Leitzaranera eramateko.  Horrenbestez, ugaltzea lortzen da, eta belaunaldi berriak aktiboki bilatzea Leitzaran, heldu bihurtzen denean eta itsasotik ibaian gora abiatzen denean.

Horrez gain, GFAk zein URAk eta Kantauriko CHk hamarkadak daramatzate lanean Oria ibaiko uraren kalitatea hobetzeko eta oztopoak kentzeko. Azken lan horretan HAZIk ere parte hartu du, Europako bi proiekturekin: POCTEFA Guratrans eta LIFE Irekibai.

Azken proiektu horretan egindako jarraipenak dioenez, izokinak Leitzaranen duen presentzia sendotuz doa, eta aurreikuspena da hurrengo kanpainetan ibaiaren goragoko zatietara iristea, ezohiko dispositibo bat martxan jarrita: arrainentzat CH Olaberrin instalatutako esklusa bat.

Interesatzen bazaizu, jarraipenaren azken txostena eskuratu dezakezu, esteka honetan.