LIFE IREKIBAI proiektuari buruzko lau komunikazio aurkeztu dira “Restaura Ríos” Ibaiak Lehengoratzeko III. Biltzar Iberiarrean

RestauraRíos2019 biltzarrak Iberiar penintsulako ibaien beharrak aztertu ditu hiru egunez eztabaida saioen bidez, eta era berean, profesionalek, kudeatzaileek, akademikoek eta gizarte taldeek informazioa elkarri emanez. Antolatzailea Ibaiak Lehengoratzeko Zentro Iberiarra (CIREF) izan da, Segurako Konfederazio Hidrografikoarekin koordinazioan, betiere LIFE+ RIPISILVANATURA, Wetlands International – European Association proiektuak eta Trantsizio Ekologikorako Ministerioak lagundurik. Halaber, Murtziako Autonomia Erkidegoarekin nahiz Calasparrako Udalarekin elkarlanean.

Nafarroako Gobernua ere biltzarrean izan da, Nafarroako Ingurumen Kudeaketa (GAN-NIK) enpresa publikoaren bitartez; zehazki,  LIFE IREKIBAI ekimen barneko hainbat ekintza aurkeztu ditu. Horrela, Luis Sanzek ekintza honen berri eman du: “LIFE IREKIBAI eta H2OGUREA proiektuek Bidasoren arroa lehengoratzeko eginiko ekarpenak Nafarroan”. Josu Elso, bestalde, honetaz mintzatu da:  “Artesa eta Denil eskalak: eskala horiek salmonidoendako duten funtzionaltasunaren jarraipena egitea PIT telemetria erabiliz”. Azkenik, Ana Varelak proiektuan garatzen diren “Partaidetza publikoen prozesuak eta esperientziak ibai zaintzan” izan du mintzagai.

UPV/EHUko Askoa Ibisatek, gainera, gai hau aurkeztu du: “Emari solidoaren jarraipena Leitzaran ibaian (Gipuzkoa) eta ibaia lehengoratzeko inplikazioak”; zehazki, azaldu du zer aldaketa izan diren Inturia eta Truchas Errekako presak ezabatu ondoren eta Ollokin lanean hasi eta gero, hori guztia proiektuaren baitan. EHUk ikerketa-kontratu bat sinata baitu Gipuzkoako Foru Aldundiarekin.

Programa

Post a comment