LOINA

Madrilla / Iparraldeko loina txikia (Parachondrostoma miegii)

Loina arrain arrea da eta 20 cm izan ditzake luzeran. Ornogabeak eta landare urtarrak jaten ditu, eta ibaiaren erdiko ibilguan bizi da, talde handietan bizi ere. Apiriletik ekainera bitarte ugaltzen da.

Presentzia

Espeziea Iberiar Penintsulan baizik ez da bizi, eta banaketari dagokionez, batez ere Kantauriko ekialdeko isurialdeko ibaietan, Ebroren arroko ibaietan eta Mediterraneo aldeko besteren batean (Doadrio, 2001). Populazio batzuk gainbehera hasiak omen dira, nagusiki honako arrazoi hauek eraginda, hala nola espezie exotikoak sartu izanak, azpiegitura hidraulikoak egin izanak, eta kutsadura hidrikoak.
URA agentziaren eta Gipuzkoako Foru Aldundiaren jarraipen sareetako datuen arabera, loina populazioa handitu egin da EAEn, azken hamabost urtean.
Funtsezko elementua da Leitzaran Ibaia KBErako. Espeziearentzat zehazturiko kontserbazio neurrien artean behe-tartean oztopoak kentzea dago.

Parachondrostoma miegii (loina)
Code: 1126
92/43/CEE Zuzentarauko II. eranskina









































Gunea Populazio tamaina Kontserbazio egoera
Leitzaran Ibaia KBEa ES2120013 C B
Bidasoa Ibaia KBEa ES2200014 - - - - - -
Baztan Ibaia eta Artesiagako Erreka KBEa ES2200023 - - - - - -
Bertizko Jaurerria KBEa ES2200017 - - - - - -
Artikutza BILa ES2200010 - - - - - -
Belate BILa ES2200018 - - - - - -

A: Adierazgarritasuna: bikaina B: Adierazgarritasuna: ona C: Adierazgarritasuna: esanguratsua D: Presentzia ez da esanguratsua

Argibideak

Euskadiko Naturari buruzko informazio sistema – Loina
Inbentario nazionalak – Chondrostoma miegii (MAGRAMA)
SIBIC 2014. Carta Piscícola Española. Argitalpen elektronikoa (bertsioa: 2015/01).

Comments are closed.